Chistas cun decoraziuns da tuttas sorts, t-shirts, ordinaturs ed ina pluna datas electronicas – tut quei ei serabitschau la notg vargada da Sumvitg a Mustér. Il Patrick Schaniel ha surdau suenter tschun onns ier il presidi dil Chor d’affons Sumvitg. Duront quels tschun onns ha ei giu num organisar nummerus concerts e representaziuns dil chor. Il pli grond project vegn segir il teater musical «Bling, Bling – revolta en casa La Tuor» il 2013 ad esser staus. A Patrick in grond engraziament per siu engaschi a favur dil chor. Nus sperein secapescha dad adina puspei veser Tei a nos concerts.
Era la suprastonta Brida Fry ha dau giu siu post en suprastonza. Era ad ella in grond engraziament per sia lavur a favur dil chor. Per ella vegn Stefania Bearth en suprastonza.
Jeu da mia vart selegrel sin la nova sfida: sin bia affons che han tschaffen da cantar, silla Flavia e sias ideas, silla lavur ensemen cun las consuprastontas e sin bia bials concerts.
Sin seveser suenter las vacanzas da stad! Gudi las vacanzas!
Cars salids, Gion
PS: sch’enzatgi ha damondas, ni vul s’annunziar per vegnir el chor, mias datas da contact anfleis cheu.
Schreibe den ersten Kommentar